Ku Uma Lehe aokiränigu 8. piimäkuul Ihamarru Kõivualotsõ laadu pääle jõudsõ, oll’ ansambli Kõhukesed uma edimädse mänguploki õkva lõpõtanu.
Laadu pääl ümbre kaiõn näkk’ egäsugumast kaupa. Müüjä olli hinnäst pikält kõorita pite lakja laotanu ja nii sai sääl edesi-tagasi jalota. Oll’ aiakasvõ müüjit, ka söögikraami ja muud talokaupa. Õigõ mitmõ lavva taadõ olli tulnu müüjä, kink käest võidsõ löüdä egäsugumast tarvilist kraami.
Tsõõr pääle tett, oll’ laaduansambli Kõhukesed hinnäst jäl püüne pääle säädnü ja and’ uma järgmädse seti. Taivalõ kogonõva pilve anni märki iin uutvast vihmast, miä ähvärd’ puukujooksjoni osalidsõ sao kätte jättä. Aokiränigu es jää vihma uutma, pagõsiva esi minemä.
Rahmani Jan
Kõivualotsõ laat Ihamarun. Rahmani Elo pilt
Müügilaud, kohe pääle om laotõt egäsugumast hädätarvilist kraami. Rahmani Elo pilt
Oksjonni uutva puukujo. Rahmani Elo pilt
Oodõt laadu- ja simmanibänd Kõhukesed üles astman. Rahmani Elo pilt
