Puulpäävä, 8. piimäkuul peeti Sulbi laululava pääl laulupäivä, kon asti üles koori, midä juhatas dirigent Kochi Triin.
Üles asti Tarto ülikooli naisikoori Tal’na vilistläisikuur, Tarto ülikooli kammõrkuur (ja tuu seen viil eräle kammõrmiihikuur Pelikan) ja Tarto ülikooli akadeemilinõ naisikuur. Nii ütitsele ku eräle kanni koori ette koorilaulu klassikat, a ka mõnõ peris paikkundligu laulu. Säänest laulupäivä, kon Kochi Triini koori timä edevanõmbidõ talon Pöksil kokko saava, peeti joba 17. aastakka.
Seokõrdsõ laulupäävä tekk’ esierälidses pääväle nime andnu vahtsõnõ laul «Rahul olõmisõ saar», miä om kuurõ tellit pühendüslaul umalõ koorijuhilõ, timä perrele, kodotalolõ ja laulupäivile. Pöksi laulu võrokeelidse sõna om kirotanu Ilvese Aapo, viiemeistre om Varrese Ardo Ran.
Rahmani Jan
Kontsõrt «Rahul olõmisõ saar» Sulbi laululava pääl, juhatas Kochi Triin. Rahmani Elo pilt
