Riidi, 7. märdikuul tulõ Võrol Kandlõn seminär «Võrokõsõ, võro kiil ja keelepoliitiga», kon arotõdas võrokõisi käekäügi, tsihte ja tuu üle, kuis saava võrokõisilõ toes olla paigapääline ja riigivõim.
Võimaluisist võrokõisi ja võro kiilt tukõ omma märgotama kutsudu paigapäälidse ja riigivõimu edüstäjä, võro keele ja kultuuri iist saisja ni tõisi põlisrahvidõ iistkõnõlõja ja as’atundja.
Seminär nakkas pääle kell 12 võrokõisi kongressi vanõmbidõ kogo päävanõmba Kuuba Raineri, siseministri Taro Igori ja Setomaa edüstäjä Kudre Rauli teretüsega. Edesi tulõva ettekandõ võro, liivi ja latgali keelest. Päävä tõsõn poolõn omma kavan märgütüstsõõri.
Seminärist oodõtas ossa võtma vallaammõtnikkõ, kultuuritüü kõrraldajit, värskilt vallavolikokko valituid saadikit, riigikogo liikmit, haridus- ja keelepoliitiga ammõtnikkõ ni kõiki võrokõisi ja võro keele iist saisjit ja ütenmõtlõjit.
Päävä kõrraldaja om võrokõisi kongressi vanõmbidõ kogo.
UL
