Võro keeleh om väke
Ma kuuli raadiost, et võrõ kiil om joba nimmat maailma kiili sekkä. Tuud teno inemiisile, kiä es anna perrä ja nõvvi umma.
Võro keeleh om väke, a vägi om ka noidõ inemiisi siih, kiä uskva, et uma kiil avitas paigapäälist hindätiidmist hoita. Selle olõ-i imehtä, et poolõ Võro kongressi vanõmbidõ kogo liikmist saiva nüüd valimiisil kah kimmähe tukõ ja saava neläs aastas volikogodõ liikmõs. Vast saava nä uma iinkujoga mõota seo kandi inemiisi tahtmist umma kiilt kõnõlda.
Muialpuul kaias tuu võro keele väe pääle kadõhusõga. Mi esi ei tükü sakõhe tuust umast rikkusõst arvu saama. Ja lõpus tegi riik rahvaregistrihe võimalusõ märki umas imäkeeles võro kiil. Võro keeleh om väke!
Tossu Tilda
