Aja vihalõ külh!
Ma ei saa inämb raadiot ja telekat
rahuligult kullõlda. Diktorilõ um midägi sisse tük'nü,
nimä saa-i vai mõista-i inemise muudu kõnõlda. Sõna
tulõva suust nigu hernit puistasõ, ei olõ inämb
hõngutõmbamisõ aigugi. Tuu asi alost' joba sis, ku
kõnõpukin oll' Osveti Anne. Nüüd umma kõik' pääle Saarõ
Margusõ tuu kõnõlõmisõ selges op'nu. Kõgõ inämb tahatki
kullõlda pääväuudissid, a nuu jääse nii lühküs, peräst
tükül aol mõtlõt, midä tä nüüd mulisi. A ku pandva mõnõ
tümpsü minemä, um aigu küländ.
Rulli Roosi
Siipi keedetäs rasvast!
(Kae ka UL nr 9 (38))
Soolikist siipi ei keedetä. Sääne
sooligasiip' jääs vetel' nigu titesitt. Mu imä kiitse ka
siipi, olõ tuud esiki tennü ja alati om häste vällä
tulnu. Seebi sisse panti sooligarasva ja korjati muido
ka sääntsiid rasvaprädinit. Ega ütest eläjäst niipall'u
es saa, ku vajja, sis soolati jupi sisse, a kõik' oll'
sääne rasvanõ kraam'iks. Olõ-i tähtsä, määndse eläjä
rasv om, kas tsia, lamba vai veise, nuu võit kõik' segi
panda, kül seebikivi nuu är süü.
Riibaku Leena
Kiri kiruta aaderssil Lao 5 Põlva liin
63 308 Uma Leht
Toimõndusõl um õigus kirju vahtsõlõ kiräviisi
panda ja naid lühendä. Kirä iist honorari ei masta.
|